“Ногоон хэрэм” төслийн хүрээнд төслийг амжилттай хэрэгжүүлэх үндэс болох шинжлэх ухаанд суурилсан үр дүнг боловсруулж түүнийг бүс нутгийн хэмжээнд бүтээлчээр хэрэгжүүлэх зорилгоор төсөл хэрэгжиж буй бүс нутгийн байгаль цаг уур, хүрээлэн буй орчны суурь судалгааг хийж гүйцэтгэхээр эрдэмтдийн багийг 2007 оны 5 сард байгуулан өнөөг хүртэл хамтран ажиллаж байна.

“Ногоон хэрэм” төслийн хэрэгжилтэд түлхэц болохуйц ой судлал, байгаль орчны салбарт үйл ажиллагаа явуулж буй төрийн болон төрийн бус байгууллага, их дээд сургууль, эрдэм шинжилгээний хүрээлэн, орон нутгийн иргэдтэй хамтран тулгамдаж буй асуудлыг шийдвэрлэх, хамтран ажиллах, олон нийт иргэдэд төслийн үйл ажиллагааг сурталчлах таниулах, мэдээллээр хангах зарчмыг баримтална.